Pola Xunta de Goberno Local, en sesión realizada o día 03.07.08, prestouse aprobación ás bases xerais reguladoras dos procesos selectivos correspondentes á oferta de emprego público de 2008 e ás das convocatorias específicas 1/2008 (auxiliar administrativo/a), 2/2008 (oficial 2ª servizos múltiples) e 3/2008 (maquinista-chófer vehículos municipais), e pola Xunta de Goberno Local en sesión realizada o día 22.07.08, prestouse aprobación ás bases da convocatoria expecífica 4/2008 (arquitecto/a), correspondentes todas elas á oferta emprego público para 2008, cuio texto se transcribe deseguido:

1.1.-É obxecto da presente convocatoria a provisión en propiedade das prazas de funcionarios/as de carreira e de persoal laboral fixo, correspondentes á oferta de emprego público de 2008, a través do procedemento de selección que para cada unha delas se estableza nas bases das convocatorias específicas, segundo as seguintes disposicións:

- Lei 7/1985, do 2 de abril, reguladora das bases de réxime local.

- Real decreto lexislativo 781/1986, do 18 de abril, polo que se aproba o Texto refundido de disposicións legais vixentes en materia de réxime local.

- Lei 7/2007, do 12 de abril, do Estatuto Básico do Empregado Público.

- Real decreto 896/1991, do 7 de xuño, sobre regras básicas e programas mínimos a que debe axustarse o procedemento de selección de funcionarios de Administración Local.

- Artigo 39 da Lei 50/1998, do 30 de decembro, de medidas fiscais, administrativas e de orde social. Este precepto será de aplicación a aquelas convocatorias nas que os sistemas selectivos sexan os de concurso ou concurso-oposición, en quenda libre, valorándose, entre outros méritos, a experiencia nos postos de traballo obxecto da convocatoria cando se trate de consolidación de emprego temporal ou substitución de emprego interino.

- Regulamento de selección do persoal da administración da Comunidade Autónoma de Galicia, do 20 de marzo de 1991 e, supletoriamente, o Regulamento xeral de ingreso do persoal ao servizo da Administración do Estado, aprobado por Real decreto 364/1995, do 10 de marzo.

Para poder participar nas probas selectivas, cómpre:

a) Ser español/a ou nacional dun Estado membro da Unión Europea, ou nacional do Reino de Noruega ou nacional da República de Islandia.

Tamén poderán participar o cónxuxe, descendentes e ascendentes do cónxuxe, dos/as españois e dos/das nacionais de países membros da Unión Europea, de Noruega ou de Islandia, sempre que non estean separados/as de dereito, menores de vinte e ún anos ou maiores da devandita idade que vivan ás súas expensas.

Este último beneficio será igualmente de aplicación a familiares de nacionais doutros Estados cando así se prevexa nos tratados internacionais celebrados pola Comunidade Europea e ratificados por España.

En cumprimento do sinalado no artigo 1.3 da Lei 17/1993, do 23 de decembro, as bases específicas de cada convocatoria establecerán que prazas quedan reservadas para aspirantes de nacionalidade española.

b) Ter cumpridos dezaseis anos de idade, e non exceder, no seu caso, da idade máxima de xubilación forzosa.

c) Ter o título esixido ou estar en condicións de obtelo na data na que remate o prazo de presentación de instancias. Os títulos requiridos para cada unha das prazas sinalaranse nas bases específicas de cada unha das convocatorias. No caso de titulacións non expedidas en España éstas deberán estar debidamente revalidadas polo Ministerio de Educación, Cultura e Deporte.

d) Non ter enfermidade ou eiva física ou psíquica que impida o desempeño das funcións correspondentes. As persoas con minusvalidez deberán facelo constar na súa instancia, sinalando se precisan adaptación das probas. A condición de minusvalidez acreditarase por certificación da Delegación provincial da Vicepresidencia da Igualdade e do Benestar.

e) Non ter sido separado mediante expediente disciplinario do servizo de calquera das administracións públicas ou dos órganos constitucionais ou estatutarios das comunidades autónomas, nin atoparse en inhabilitación absoluta ou especial para empregos ou cargos públicos por resolución xudicial.

No suposto de ser nacional doutro Estado, non atoparse inhabilitado ou en situación equivalente nin ter sido sometido a sanción disciplinaria ou equivalente que impida, no seu Estado, nos mesmos termos, o acceso ao emprego público.

Os anteriores requisitos, así como os específicos que se esixan para cada unha das prazas, deberanse reunir con referencia ó derradeiro día de prazo de presentación de solicitudes, e será nulo o nomeamento como funcionario/a de carreira ou a contratación de persoal laboral fixo dos/as aspirantes que estean incursos en causas de incapacidade segundo a normativa vixente.

3.1.-Os/as que desexen tomar parte no proceso selectivo deberán facelo constar mediante instancia dirixida ó Alcalde-Presidente do Concello, directamente ou a través dos procedementos previstos no artigo 38.4 da Lei 30/1992, de réxime xurídico das administracións públicas e do procedemento administrativo común.

O prazo de presentación de instancias é o de vinte días naturais, a partir do seguinte ao da publicación da respectiva convocatoria no Boletín Oficial del Estado (BOE).

No caso de prazas de promoción interna, as convocatorias publicaranse únicamente no BOP, publicación que iniciará o prazo de vinte dias naturais de presentación de solicitudes.

Á instancia achegarase fotocopia do DNI e xustificante de ter aboados na tesourería municipal os dereitos de exame que en cada convocatoria se precisen, ou xustificante de xiro postal ou telegráfico do seu pagamento.

De conformidade co establecido no artigo 12 da Lei 8/1989, do 13 de abril, de Taxas e prezos públicos, procederá a devolución da taxa por dereitos de exame cando non se realice o feito impoñible por causas non imputables ao/á interesado/a. Por tanto, non procederá a devolución dos dereitos de exame nos supostos de exclusión das probas selectivas por causas imputables ao/á interesado/a, polo que no suposto de exclusión por non cumprir os requisitos ou non aportar os documentos esixidos na convocatoria non haberá lugar á devolución da taxa de exame.

Os/as aspirantes/as que non posúan a nacionalidade española e teñan dereito a participar deberán presentar unha fotocopia do documento que acredite a súa nacionalidade e, de ser o caso, os documentos que acrediten o vínculo de parentesco e o feito de vivir a expensas ou estar a cargo dun nacional doutro Estado co que teñan dito vínculo. Así mesmo, deberán achegar declaración xurada ou promesa deste de que non está separado de dereito do seu cónxuxe e, de ser o caso, do feito de que o/a aspirante vive a expensas ou está ao seu cargo.

3.2.-Cando o procedemento de selección inclúa ou consista en concurso de méritos, os/as aspirantes deberán achegar inescusablemente á instancia unha relación dos que aleguen e os documentos acreditativos ou fotocopias compulsadas de todos e cada un dos méritos alegados que sexan puntuables segundo as bases específicas que correspondan.

3.3.- Co fin de asegurar a participación en igualdade de condicións co resto dos/as aspirantes establecerase para os/as aspirantes con discapacidade que o soliciten, as adaptacións de tempo necesarias para a súa realización. A tal efecto os/as interesados/as deberán formular a correspondente petición concreta na solicitude de participación, na que reflectirán as necesidades específicas que teñan para acceder ao proceso de selección. Os criterios de adaptación de tempos serán os establecidos na Orde de Ministerio da Presidencia do 9 de xuño( BOE n. 140, do 13/6/2006 ).

4.1.-Para ser admitido/a e tomar parte nas probas que se convoquen será suficiente con que os/as aspirantes manifesten na súa instancia que reúnen todas e cada unha das condicións sinaladas na base nº 2, ademais das que para cada praza se sinalen nas correspondentes convocatorias específicas.

4.2.-Rematado o prazo de presentación de instancias, o Alcalde-Presidente dictará, no prazo de un mes, resolución pola que se aprobará a lista provisional de admitidos/as e excluídos/as, que se publicará no Boletín Oficial da Provincia (BOP) e no taboleiro de edictos da Casa do Concello. Na mesma resolución incluirase a composición íntegra do tribunal e o lugar, hora e data de comezo dos exercicios.

4.3.-Os/as aspirantes disporán dun prazo de dez días para emenda, nos termos do artigo 71 da Lei 30/92. Unha vez transcorrido o dito prazo, o Alcalde-Presidente dictará resolución definitiva, que levará implícita a estimación ou desestimación das solicitudes de emenda e que se publicará no taboleiro de edictos da Casa do Concello.

4.4.-O feito de figurar na relación de admitidos/as non prexulga que se lles recoñeza aos/ás interesados/as a posesión dos requisitos esixidos no procedemento que se convoque. Cando da documentación que debe presentarse no caso de superar o proceso selectivo se desprenda que non posúen algún dos requisitos, os/as interesados/as decaerán en tódolos dereitos que puidesen derivarse da súa participación no procedemento.

5.1.-Os tribunais cualificadores dos procesos selectivos designaranse de conformidade co sinalado no artigo 60 da Lei 7/2007, do 12 de abril, do Estatuto Básico do Empregado Público, e a súa composición farase pública de acordo co establecido na base anterior, sen prexuízo de que conste parcial ou totalmente nas convocatorias específicas.

O persoal de elección ou de designación política, os funcionarios/as interinos/as e o persoal eventual non poderán formar parte dos órganos de selección.

A pertenza aos órganos de selección será sempre a título individual, non podendo ostentarse ésta en representación ou por conta de ninguén.

5.2.- De acordo co disposto nos parágrafos anteriores, os tribunais estarán compostos polos/as seguintes membros:

Presidente/a: Un funcionario/a ou persoal laboral de calquera administración pública.

Secretario/a: O funcionario/a ou persoal laboral da Corporación que se nomee.

Vogais: Tres vogais funcionarios/as ou persoal laboral de calquera administración pública designados pola Alcaldía, a proposta da Comisión de Persoal.

5.3.-Tódolos/as membros do tribunal deberán contar con titulación ou especialización igual ou superior á esixida para o acceso á praza ou prazas que se convoquen, e tenderase á paridade entre muller e home.

5.4.-O tribunal non se poderá constituír nin actuar sen a presenza, cando menos, da metade dos/das seus/súas membros, titulares ou suplentes, indistintamente. En todo caso requírese a asistencia do/a presidente/a e do/a secretario/a ou os/as que legalmente os/as substitúan.

5.5.-Os/as membros do tribunal deberanse de abster de intervir, comunicándoo á autoridade convocante, cando concorran as circunstancias previstas no artigo 28 da Lei 30/1992, do 26 de novembro, ou estivesen preparando a aspirantes ás probas nos cinco anos anteriores á publicación da convocatoria. Os/as aspirantes poderán recusar ós/ás membros do tribunal cando concorran aquelas circunstancias.

5.6.-O tribunal resolverá tódalas dúbidas que xurdan na aplicación das presentes normas, así como nos casos non previstos polas mesmas. Tamén poderá dispor a incorporación aos seus traballos de asesores/as especialistas para as probas correspondentes dos exercicios que xulgue oportuno, limitándose os/as asesores/as a prestar a colaboración nas súas especialidades técnicas.

5.7.-Para os efectos do percibo de indemnizacións en concepto de asistencias, os compoñentes dos tribunais que actúen nestas probas terán as categorías que correspondan segundo establece o Real decreto 462/2002, do 24 de maio.

6.1.-Os/as aspirantes serán convocados para cada exercicio en único chamamento, sendo excluídos da oposición os que non comparezan, non sendo os casos debidamente xustificados, libremente apreciados polo tribunal.

Os/as aspirantes deben acreditar a súa personalidade coa exhibición do DNI ou pasaporte.

6.2.-A actuación dos/as aspirantes naqueles exercicios que non poidan realizarse conxuntamente levarase a cabo por orde alfabética segundo a primeira letra do apelido. Segundo a Resolución do 29 de xaneiro de 2008 (DOG do 5 de Febreiro) a orde comezará por aqueles/as opositores/as dos/das que o primeiro apelido empece pola letra V.

6.3.-Unha vez comezadas as probas selectivas non será obrigatoria a publicación da celebración dos sucesivos exercicios no Boletín Oficial da Provincia, sendo suficiente coa súa exposición no taboleiro de edictos do Concello.

6.4.-Entre o final dunha proba e o comezo da seguinte deberán transcorrer un mínimo de 48 horas e un máximo de 40 días.

6.5.-Os exercicios, tanto orais como escritos ou prácticos, realizaranse en lingua castelá ou galega, a criterio do/a aspirante. Os exercicios escritos poderán ser lidos publicamente, se así o acordase o tribunal, podendo este dialogar co/coa aspirante co fin de determinar os seus coñecementos sobre o contido do exposto durante un tempo máximo de dez minutos.

7.1.-Nas convocatorias específicas que completan estas bases xerais concretaranse o sistema de selección, así como os sistemas de cualificación dos distintos exercicios.

7.2.-No sistema de concurso-oposición, a fase de concurso, que será previa á de oposición, non terá carácter eliminatorio e non poderá terse en conta para superar as probas da fase de oposición. O tribunal non poderá estimar o non alegado e probado polos/as aspirantes nos documentos achegados no momento de presentaren a solicitude para a súa admisión ás probas selectivas, sen que sexa admisible a concesión de prazo ningún para emendar a falta de alegación ou proba de méritos.

7.3.-As cualificacións dos/as aspirantes aprobados/as en cada exercicio publicaranse o mesmo día no que se acorden no taboleiro de edictos da Casa do Concello.

7.4.-A puntuación final e a orde de cualificación dos/as aspirantes virá dada pola suma da totalidade das puntuacións obtidas no conxunto das probas.

Rematada a cualificación dos/as aspirantes, o tribunal publicará a relación de aprobados/as por orde de puntuación. Dado que en ningún caso o número de aspirantes aprobados pode exceder o número de prazas convocadas, a relación de aprobados/as confeccionarase cos/coas aspirantes que, superados tódolos exercicios obrigatorios, obteñan a maior puntuación, sumando á fase de concurso, de existir, os puntos de cada ún dos exercicios da oposición.

O tribunal elevará a citada relación ao Alcalde-Presidente da Corporación, ao cal compete o nomeamento correspondente (no caso dos funcionarios/as) e a contratación laboral (cando se trate de postos de persoal laboral fixo).

9.1.-No prazo de vinte días naturais contados dende o seguinte ao da publicación das listas de aspirantes aprobados/as, estes deberán presentar no Rexistro Xeral do Concello, os seguintes documentos:

a) Fotocopia compulsada do DNI, ou, se é o caso, documento equivalente expedido pola autoridade competente do país de orixe.

b) Fotocopia compulsada do título académico esixido nas respectivas bases específicas, ou, no seu defecto, o xustificante de ter aboado os dereitos para a súa expedición. Se estes documentos estivesen expedidos despóis da data de remate do prazo de presentación das solicitudes de admisión ás probas selectivas, deberán xustificar debidamente o momento de conclusión dos estudios correspondentes.

c) Declaración xurada de non ter sido separado mediante expediente disciplinario de ningunha Administración pública, nin atoparse inhabilitado para o exercicio das funcións públicas.

d) Declaración xurada de non acharse incurso en ningunha causa de incapacidade e incompatibilidade de conformidade coa lexislación vixente e referida ao momento da súa toma de posesión.

e) Certificación médica oficial acreditativa de non padecer enfermidade ou eiva física ou psíquica que imposibilite o normal exercicio da súa función.

9.2.-Os/as aspirantes que fagan valer a súa condición de persoas con minusvalez deberán presentar certificado expedido polos órganos competentes que acredite a mesma e tamén deberán presentar certificación dos citados órganos ou administración sanitaria acreditativa da compatibilidade co desempeño das tarefas e funcións correspondentes.

9.3.-Os/as que tivesen a condición de funcionarios/as de carreira ou persoal laboral fixo ao servizo de calquera administración, estarán exentos de xustificar documentalmente as condicións e requisitos xa probados para obter o seu anterior nomeamento, presentando neste caso certificación da Administración pública da que dependan que acredite esta condición.

9.4.-Os/as que dentro do prazo sinalado, e agás os casos de forza maior, non presentasen a súa documentación ou non reúnan os requisitos esixidos, non poderán ser nomeados/as, quedando anuladas tódalas actuacións, sen prexuízo da responsabilidade na que puideran incorrer por falsidade na súa instancia solicitando participar no proceso selectivo.

10.1.-Os/as aspirantes propostos/as que presenten a documentación preceptiva serán nomeados funcionarios/as de carreira polo Sr. Alcalde e deberán tomar posesión no prazo de un mes contado dende o día seguinte ao da notificación do citado nomeamento.

10.2.-Se é o caso e para os supostos que se determinen nas respectivas bases específicas, o nomeamento como funcionario/a de carreira poderá quedar supeditado á superación do correspondente período de prácticas ou curso de formación, sendo nomeado, mentres, funcionario/a en prácticas.

11.1.-Unha vez presentada a documentación solicitada ou, se é o caso, acreditado que se reúnen as condicións esixidas, a Alcaldía-Presidencia efectuará a contratación do/a aspirante proposto/a polo tribunal cualificador.

11.2.-Será nula a contratación de quen estea incurso en causa de incapacidade específica consonte a normativa vixente.

11.3.-A formalización do contrato terá lugar no prazo de un mes, contado a partir do seguinte a aquel no que lle se notifique a proposta de contratación feita polo tribunal.

11.4.-Mentres non se formalice o contrato e se incorpore ao posto de traballo correspondente, o/a aspirante non terá dereito a ningunha prestación económica, podendo especificarse no contrato o período de proba a que se somete, co alcance prevido no Texto refundido da Lei do estatuto dos traballadores, aprobado por Real decreto lexislativo 1/1995, do 24 de marzo.

11.5.-Transcorrido, de ser o caso, o período de proba, o/a aspirante seleccionado/a adquirirá a condición de persoal laboral fixo.

As presentes bases e tódolos actos administrativos que dela deriven poderán seren impugnados polos/as interesados/as nos casos e na forma previstos na Lei 30/1992, do 26 de novembro, de réxime xurídico das administracións públicas e do procedemento administrativo común.